Пролетната полусезона во Третата македонска фудбалска лига југо-запад ќе продолжи со 12 екипи, откако Могила и Баир Кркардаш се откажаа од понатамошното натпреварување. Причините за откажувањето на двете битолски екипи се финансиските средства кои изостанале во клубовите за втората етапа од Третата македонска фудбалска лига.
Охридските екипи немаа почеток за пофалба на втората полусезона, откако претрпеа два порази и ремизираа на една средба. Охридската чест ја одбрани Воска која одигра без голови со Влазними на домашен терен. Охрид со 2-1 изгуби пред своите гледачи од Преспа, додека Сатеска оружјето го положи во Струга претрпувајќи пораз од Караорман 3-1.
Резултати: Охрид – Преспа 1-2, Лирија – Кравари 2-1, Караорман – Сатекса 3-1, Воска – Влазними 0-0, Фљамуртари – Велешта 2-0.
Табела: Кораб 36, Кравари 28, Караорман 27, Фљамуртари 26, Преспа 25, Сатеска 22, Охрид 19, Влазними 16, Лирија 16, Велешта 16, Октиси 12, Воска 11, Могила, Баир Кркардаш.
OhridNews
