Најпријатното изненадување во Лигата на Шампиони сезонава АПОЕЛ во ждрепката за 1/8 финалето за противник го доби францускиот Лион. Кипарскиот преставник во групата со Порто, Зенит и Шахјтор го освои првото место што влева голема надеж пред двомечот со “лавовите“ во елиминациите.
– Нема лесен противник во нокаут фазата, можеби Лион не е атрактивен како останатите екипи, но сепак е тим за респект. Сигурно дека наша предност е тоа што првиот натпревар го играме на гости во Франција, додека реванш средбата пред нашите верни гледачи – истакна популарниот “Тричко“.
По одличната сезона во дресот на АПОЕЛ како и настапите за македонската репрезентација се крева голема прашина околу иднината на поранешниот фудбалер на Вардар, Работнички и Црвена Звезда.
– Во зимскиот преоден рок, за мене ќе се пишува се и сешто. Со тоа не се оптоварувам тука е клубот да реши за мојата иднина а до тогаш јас ќе се фокусирам на натпреварите кои ни престојат во кипарското првенство – потенцираше “седумката“ во националниот дрес Иван Тричковски.
Мх.П.
