Американски астрономи од опсерваторијата Маунт-Лемон, открија нов астероид кој во понеделник, на 28-ми мај, ќе пролета крај Земјата на растојание од 56 илјади километри, објави Центарот за мали планети при Меѓународната астрономска унија, пренесува „Макфакс“.
За првпат во историјата астероидот кој е означен како 2012 КП24, беше забележан во средата на 23-ти мај. Астрономите спровеле досега 12 набљудувања на овој вселенски објект, што овозможи да се открие неговата орбита. Пресметките покажаа дека астероидот 2012 КП24 се однесува како астероидите од семејството Аполон, чии орбити се сечат со орбитата на Земјата и со орбитата на Марс. На овој вид припаѓаат околу две-третини од познатите астероиди, чиишто орбити се во близина на Земјата (НЕА).
Според податоците на астрономите, во понеделник на 28-ми мај, во 16.18 часот по Гринич (18,8 часот по македонско време) астероидот 2012 КП24 ќе мине крај Земјата на растојание од 0,00037 астрономски единици, односно 56.040 километри. Научниците проценуваат дека дијаметарот на вселенско тело изнесува меѓу 11 и 36 метри.
Следниот пат кога овој објект ќе се врати кон Земјата е на 8-ми октомври 2012 година, но ќе пролетаат многу подалеку, на оддалеченост од 0,43 астрономски единици или 64 милиони километри.
OhridNews
извор:„Макфакс“
