„Трофеј Македонија“: Црна Гора славеше против Македонија, Хрватска убедлива над Србија

Денес се одигра второто коло од “Трофеј Македонија“, во кое Хрватска убедливо ја совлада Србија, додека Македонија беше поразена од Црна Гора.

Во првиот натпревар Хрватска одигра одличен натпревар и стигна до убедлива победа над Србија со 28-15.

Во вториот дуел македонската репрезентација беше поразена од Црна Гора со 29-23.

Најефикасна во македонскиот состав беше Ристовска со осум погодоци, додека Јаневска постигна четири гола. Во составот на Црна Гора, Мугоша и Савиќ постигнаа по пет погодоци.

По две одиграни кола, Хрватска и Црна Гора имаат по три бода, Македонија е на третото место со два бода, додека Србија е четврта без освоен бод.

Во третото коло утре од 17:00 часот ќе играат Србија и Црна Гора, додека од 19:00 часот Македонија ќе ги одмери силите со Хрватска.

OhridNews