Според податоците на Државниот завод за статистика, индексот на трошоците на животот, мерен преку цените на стоките и на услугите за лична потрошувачка, во март 2011, во однос на февруари 2011, бележи благо покачување.
Анализирано по главни групи, според намената на потрошувачката, во март 2011, во однос на февруари 2011, пораст на индексите е забележан во групите: храна и безалкохолни пијалаци за 3.0%, домување, вода, електрика, гас и др. горива за 2.9%, транспорт за 1.0%, ресторани и хотели за 0.8%, здравје за 0.6%, облека и обувки и рекреација и култура за 0.3% и комуникации за 0.1%.
Намалување на индексите на трошоците на животот е забележано во групите: алкохолни пијалаци, тутун и останати стоки и услуги за 0.1%.
OhridNews
