Трошоците на животот во ноември годинава во споредба со истиот месец лани бележат намалување од 0,3 отсто, додека пак цените на мало намалување од 1,7 отсто, објави Државниот завод за статистика. Во споредба со претходниот месец, трошоците на живот во ноември годинава останале непроменети, а цените на мало се намалиле за 0,3 отсто.
Според податоците на Државниот завод за статистика, пораст на трошоците за живот во ноември е забележан кај свежиот зеленчук за 5%, други прехранбени производи за 0,7 %, кај јајцата и конзервираните месни производи за 0,6%, кај алкохолните пијалаци за 0,5%, кај лебот, житариците и рибата за 0,2%, кај цврстите горива за 5%, авионскиот превоз на патници за 2,8%, а кај услугите за сместување за 1,8%.
Намалување на трошоците на животот има кај свежото овошје за 5 отсто, месото за 0,4%, кондиторските производи за 0,2%, гасот за домаќинствата за 6,3%, автомобилите за 6,1% и течните горива за домаќинствата за 4,7%. Исто така намалување за 3,9 % е регистрирано кај течните горива и мазива, а кај информатичката опрема има намалување за 2,9%.
OhridNews
