Во изминатиов период, Царинската управа изврши контрола на исполнувањето на законските услови и обврски од страна на позната Винарска визба, при што утврди дека овој имател на акцизната дозвола повеќе од 6 месеци редовно не ги исполнувал даночните обврски, односно не извршил плаќање на пресметана акциза во износ од околу 40 милиони денари утврден со 3 управни решенија на Царинската управа. Посочениот долг за овој имател на акцизна дозвола настанал бидејќи од акцизниот склад во повеќе наврати пуштал во слободно правен акцизен промет акцизни добра без притоа да ја плати пропишаната акциза, информираат од  Царинската управа.
 
Со оглед на наведеното, Царинската управа утврди дека за овој имател на акцизна дозвола повеќе не се исполнети условите под кои дозволата е издадена и врз таа основа донесе решение за нејзино одземање и престанување на важност, како и за затварање на акцизните складови на 15.11.2012 година до кој датум Винарската визба е должна да ја расчисти состојбата со акцизните добра кои се наоѓаат во акцизните складови, а согласно одредбите на член 10 од Законот за акцизи, соопшти  Царинската управа.

OhridNews