Јас сум редовен читател на ohridnews како и жител на град Охрид. Имам 23 години, студент по архитектура. Ова ми е прв текст кој ви го испраќам, се надевам нема да биде и последен. Со тоа што ќе ги искажам моите критики, коментари, пофалби за нашиот град Охрид.

Живеам во Центар на градот и можам слободно да кажам со какви проблеми се соочуваме. Покрај тоа што се изградија доста нови објекти: згради, куќи, кафулиња… премногу е за критика стилот на градење и поставувањето на истите на неадеквати места. Но за тоа нема сега да го коментирам. Повеќе би сакал да прецизирам на проблемите со паркирањето. Тука можам да кажам дека е полн хаос, точно во Центарот (посебно во време на сезона или празници). Ќе биде и уште поголем хаос откако ќе се населат закупените места на новите објекти. Тоа е така бидејки премногу се гради, а не се мисли за паркинг-места, паркови, тротоари и други дополнителни слободни плости, каде ќе се чувствува секој жител или турист поспокојно.

Сето ова го зборувам за доброто на Охрид, нашиот град и туристички центар.
 

Филип, 23 г.