Денес, својата хуманост ја покажаа крводарителите од друштвото на крводарители од “Ѓорче Петров” од Скопје и од Здружението на крводарители од Тутунскиот комбинат Прилеп, при што беа собрани 80 единици крв.
– Задоволни сме од одзивот на крводарителите, меѓу кои имаше и нови кои денес за прв пат даруваа крв. Особено сме благодарни на екипата на Републичкиот завод на институтот за трансфузиона медицина- Скопје кои за три часа ја спроведоја акцијата . Потребите од крв и крвни продукти е особено зголемена во летниот период и затоа се организираат овие вонредни акции, истакна претседателот на општинскиот Црвен крст, Сашо Точков.
Во насока на обезбедување на потребните количества на крв, вонредна крводарителска акција ќе се реализира и во текот на наредната недела кога крв ќе даруваат спасителите на вода од Единицата за безбедност на вода на Црвен крст Охрид.
