Охридските станоиздавачи во иднина ќе може да ги презентираат и нудат своите сместувачки капацитети на посебни типизирани штандови, кои ќе бидат поставени на неколку локации во Охрид.
Според „Програмата за поттикнување и развој на туризмот на Општина Охрид за 2014 година“, која ја изготви Секторот за туризам локален економски развој, овие штандови ќе имаат функција на туристички берзи, на кои туристите ќе може да ги добијат сите потребни информации за понудата и условите за сместување.
-Целта на овие берзи е да се надминат претходните проблеми во однос на нелегалното нудење на услугите за сместување, кои создаваа лоша слика за Охрид. Според планираното, вакви штандови ќе бидат поставени на неколку утврдени локации, како што се Автобуската станица и други фрекветни места во градот, пишува во развојната програма.
Освен оваа мерка, во насока на подобрување на пристапот до туристичките и културните знаменитости во градот, во текот на оваа година ќе биде поставена нова и соодветна туристичка сигнализација.
Е.М
