Туристички инфо центри ќе бидат поставени пред почетокот на летната сезона

Два туристички инфо центри ќе бидат поставени пред почетокот на туристичката сезона. Како што информираат од Секторот за туризам при Локалната самоуправа, едната од предвидените две локации е на влезот на Охрид, а другата во Пештани. 

Инфо центрите ќе нудат основни информации за градот, културно- историските споменици, сместувањето, а ќе се продаваат и сувенири.

– Предвидено е да бидат поставени вкупно пет инфо центри, од кои еден и на Плаошник и во Косел.  За да завршиме со поставувањето на инфо центрите пред почетокот на сезоната, ќе ги поставиме првите два, а подоцна и останатите, вели раководителот на Секторот за туризам, Гоце Симоноски.

Денес општина Охрид го објави огласот за прибирање понуди за изградба на двата туристички инфо центри. Објавени се огласи и за Организација на настани и презентација на меѓународни туристички берзи и саеми, набавка на печатен промотивен материјал за промоција на туризмот, како и набавка и поставување на улични рабници.