Туристичкиот потенцијал на Македонија, за прв е претставен на саемот за туризам во Варшава, Полска.
Дирекоторот на Агенцијата за промоција и подршка на туризмот, Јордан Трајков, истакнува дека земјава ќе ги привлекува полските туристи со нови промотивни материјали на Полски јазик.
„После минатогодишните средби меѓу македонските туристички агенции и полските тур оператори, годинава потенцијалот го претставуваме на сопствен штанд. Во рамките на манифестацијата, ќе одржиме презентација пред полските тур оператори и новинари.“ – вели Трајков.
Според Љупчо Михаиловски, економскиот промотор за Полска и Унгарија, оваа земја една од ретките земји во унијата која покрај кризата има растечка економија.
„Полската економија е компатибилна со нашата. Ова е доволен показател за можни позитивни економски односи на повеќе полиња, вклучувајќи го и туризмот. Очекувам промоцијата да донесе значително поголем број на туристи во земјава.“ – истакнува Михаиловски.
Инаку, саемот се одржува од 24-ти до 26-ти јануари каде земјава се претставува со свој промотивен штанд.
OhridNews
