Во рамките на програмата на Секторот за туризам и локален економски развој за активна туристичка, културна и економска соработка со партнерски градови, Општина Охрид како Град партнер,учествуваше на јубилејната 50-та по ред Манифестација “ Жупска берба 2013 “ што викендов се одржа во Александровац, Република Србија.
Пред бројните гости, посетители, новинари, дипломати, општина Охрид беше промовирана на централната манифестација преку емитување на промотивни видео материјали на видео бим, преку дистрибуција на печатен промотивен материјал како и на големиот број работни средби, изложби и настани.
На средбите кои ги реализираа претставниците на Општина Охрид, меѓу кои и со градоначалникот на Општина Александровац, Југослав Стајковац и директорката на Туристичката организација, Тања Мајдевац, беше разговарано за натамошно интензивирање на меѓусебната соработка, промоција на туризмот и услугите, унапредување на деловната соработка помеѓу Охрид-град партнер и градот Александровац и размена на искуства преку конкретни проекти и работни средби за едукација и развој на туристички пакети за специфичен пазар.
– Со ваквиот пристап и усвојување на заеднички партнерски и развојни стратегии помеѓу општината Александровац и туристичката организација на Александровац и општина Охрид, се овозможува најдиректен пристап до потенцијалните гости во централниот регион на Република Србија, а Александровац стана најголем промотор на Охридската туристичка понуда, велат од локалната самоуправа.
OhridNews
