Стручната оставина на познатиот охридски архитект Борис Чипан, постхумно ќе биде донирана во Музејот на град Скопје.
Меѓу нив се многубројните проекти за конзервација на црквата „Св. Софија“ во Охрид, „Св.Пантелејмон“ во Нерези, потоа проектот за МАНУ, како и голем број цртежи, белешки, ракописи, стручна и лична библиотека, лични предмети и фотографии, кои ќе прераснат во „Збирка на архитектот Борис Чипан“.
Сите овие дела ќе бидат составен дел од одделението за современа архитектура, урбанизам и дизајн при Музејот во главниот град.
Инаку, деновиве се навршува една година од смртта на познатиот охриѓанец Борис Чипан, кој е еден од најголемите македонски архитекти и поранешен редовен професор на Архитектонскиот факултет во Скопје. Неговата библиографија се состои од седум дела, издадени во периодот меѓу 1955 и 2008 година.
OhridNews
