Италијанската полиција го уапсила главниот виновник за навивачките нереди на стадионот „Луиџи Ферарис“ во Џенова, поради кој беше прекинат квалификацискиот натпревар за пласман на ЕП, помеѓу фудбалските репрезентации на Италија и Србија. Инцидентот го предизвикаа српските навивачи, а инспираторот бил пронајден во багажник на автобус и наводно во моментот на апсење во рацете држел рачна бомба.
Српските навивачи претходно се обиделе физички да се пресметаат со репрезентативниот голман Стојковиќ кој видно вознемирен од нападат врз него одбил да брани на синоќешниот меч плашејќи се за својот живот.
Однесувањето на српските хулигани го осуди официјален Белград, според кој тие биле само извршители на сценариотo што го подготвил некој друг.
Се очекува УЕФА да се произнесе за инцидентот, како и за судбината на прекинатиот натпревар.
OhridNews
