Единицата за борба против дрога на чешката полиција, уапсила седум лица меѓу кои и еден македонски државјанин, кои што се занимавале со трговија со дрога на територијата на Чешка, пренесува „МИА“.
Како што известуваат чешките медиуми, кај лицата е пронајденото 6,6 килограми кокаин, чија вредност на црниот пазар се проценува на 1,6 милиони евра.
„Главните организатори на овој вид криминал беа двајца етнички Албанци, еден граѓанин на Македонија, а другиот е државјанин на Србија. Сите биле предводени од други лица од албанска националност.“ – изјавила портпаролката на чешката полиција.
Таа додала дека станува збор за организирана група, која во Чешка тргувала со хероин и кокаин, користејќи ресторан во центарот на градот, каде што се пакувала дрогата пред нејзината дистрибуција.
На седумтте уапсени, меѓу кои и македонскиот државјанин, им е одредена мерка притвор. На петмината од притворените им се заканува казна затвор од 8 до 12 години, а на двајца до пет години.
OhridNews
