На XLII Државни натпревари за учениците од електротехничка, машинска и сообраќајна струка учениците од ОЕМУЦ „Св. Наум Охридски“ постигнаа одлични резултати.
Првите места ги освоија Јана Василева во образовниот профил Техничар за производно машинство, Адријан Дине во образовниот профил Техничар за индустриска мехатроника и Наум Сарафилоски во образовниот профил Техничар за компјутерско управување.
Второ место во образовниот профил Електротехничар за електроника и телекомуникации го освои Сара Илоска, четврто место во образовниот профил Техничар за патен сообраќај Сара Ѓорѓиеска, петто место во образовниот профил Електротехничар за компјутерска техника и автоматика Кети Јоноска, петто место во образовниот профил Машински техничар го освои Наум Димитријески, а четврто место во категорија Стручен труд освоија Горазд Јованоски и Кристијан Толески, информираат од ОЕМУЦ „Св. Наум Охридски“.
На натпреварот зедоа учество и учениците Владимир Котоски од образовниот профил Електротехничар-енергетичар и Меласат Диковски од образовниот профил Машински техничар за моторни возила.
Исто така, на Државниот натпревар по Англиски јазик, Дарко Митрески ја освои првата награда, а третото место им припадна на учениците Павел Стоев и Кирил Крстески.
OhridNews
