Учениците од ОЕМУЦ „Св. Наум Охридски“ во посета на Институтот за земјотресно инженерство
27.11.25 10:07
Во рамките на Еразмус+ проектот „Know Disaster, Now Disaster“, во кој учествуваат партнерски училишта од Македонија, Турција, Романија и Унгарија, ОЕМУЦ „Св. Наум Охридски“ Охрид беше домаќин на меѓународна мобилност со ученици и наставници.
На 26 ноември беше реализирана едукативна посета во Институтот за земјотресно инженерство и инженерска сеизмологија – Скопје.
ОЕМУЦ „Св. Наум Охридски“ беше претставено од учениците Ангелина Симиџиоска и Никола Ангелоски, под менторство на професорите Јорданка Недеска Симиџиоска и Љупчо Балески.
Учесниците имаа можност да присуствуваат на стручно предавање посветено на подигнување на јавната свест и зголемување на подготвеноста за постапување при земјотреси и други катастрофи. Предавањето го одржаа доц. д-р Борјан Петрески од Одделот за инженерски конструкции и софтвер и асс. д-р Марина Попоска од Одделот за природни и технолошки хазарди и екологија, информираат од училиштето.
Во рамките на посетата, посочуваат, беше разгледана и лабораторијата за динамички испитувања, каде учесниците се запознаа со начинот и типот на тестирања што се изведуваат за намалување на сеизмичкиот ризик, а доц. д-р Ангела Попоска, од Одделот за динамички испитувања и информатика, одржа кратка презентација за лабораториската работа и истражувањата.
ГРК Охрид денес и утре во СРЦ „Билјанини извори“ ќе го одигра двомечот со литвански Драгунас Клаипеда во рамки на третото коло од ЕХФ Европскиот куп Ракометарите се надеваат на победа во двата натп...
СВР Охрид ги известува граѓаните дека поради претстојната официјалната посета на премиерот на РАлбанија Еди Рама, утре, 22112026 година, започнувајќи од 06:00 часот, заклучно со 17:00 часот ќе бида...
Мирен граѓански протест против фемицидите, родово базираното и семејното насилство е најавен за денес од 12 до 14 часот во Охрид Од „Охрид не молчит“ посочуваат дека целта е да се испрати јасна по...