Најмладите ученици од основното училиште „Христо Узунов“, попладнево, на специјално подготвен штанд продаваа голем број домашно подготвени колачиња, торти, соленки, кифли.
Гордо ги покажуваа и возбудено раскажуваа дека во текот на подготвувањето и украсувањето им помагале на своите родители.
На акцијата ќе и се придружат и учениците од повисоките одделенија, а за родителите подготвена е и свечена приредба.
ДЕнес организираната хуманитарна акција е дел од низата активности во рамки на „Декември- месец на отворено срце“, а собраните средства се наменети за набавка на специјално возило за лицата со посебни потреби.
Т. К.
