Универзитетот за информатички науки и технологии ,,Св. Апостол Павле” – Охрид и Високата школа за новинарство и односи со јавноста, во текот на вчерашниот ден потпишаа соработка со која што се предвидува заедничко дејствување во областа на академските истражувања и високото образование.
Двете институции ќе се насочат кон развој на програмите со кои е предвидено образовна размена, заеднички студии, истражувања и други научни проекти. Размената ќе се врши преку професионални академски средби, односно реалзирање на промотивни, продукциски проекти за професионализација.
Инаку, договорот кој беше постигнат меѓу двете високобразовни институции, ќе биде насочен кон промоција на општествената одговорност преку развивање можности за стипендирање на студентите, односно нивно професионално усовршување во индустријата.
OhridNews
