Пред стартот на новата законска обрска за задолжително користење на електронските сервиси на УЈП, 5.481 тримесечни ДДВ обврзници сеуште не се регистрирале на системот е-Даноци, информираат од УЈП.
Од 1 јули 2013 година, со стапувањето на сила на задолжително електронско пријавување на ДДВ и данок на добивка за ДДВ обврзниците, на шалтерите во УЈП повеќе нема да се примаат ДДВ-пријави и Даночни биланси за данок на добивка во хартиена форма.
Доколку фирмите не се прилагодат на новините во даночното работење, истите нема да можат навреме да ја поднесат ДДВ-пријавата во УЈП, за што е предвидена глоба која достигнува до 3500 евра во денарска противвредност.
Од УЈП додаваат дека 12.059 правни лица и самостојни вршители на дејност кои моментално се корисници на стариот систем на е-Даноци, задолжително ќе треба да мигрираат на новиот систем на електронски услуги на УЈП https://etax-fl.ujp.gov.mk, во спротивно од 1 јули 2013 година нема да можат да ги користат е-даночните услуги. Постапката за миграција е едноставна и се врши електронски преку веб страницата https://etax-fl.ujp.gov.mk
По 1 јули, стариот систем на е-Даноци ќе биде ставен надвор од функција, а електронските услуги на УЈП ќе бидат достапни само преку новиот и надграден систем на е-Даноци https://etax-fl.ujp.gov.mk
