Управата на Охрид, од која играчите побараа час поскоро да го напушти клубот, и не е појавена пред играчите повеќе од месец дена, го токми поранешниот стратег на “белите“, Зоран Ѓорески – Џајо за нов тренер. Како што објави веб порталот екипа.мк , Ѓорески бил пријавен во ФФМ како нов тренер.
Дали ќе ја добие подршката од фудбалерите – Ѓорески во средината
– Точно е дека имав преговори, и реков дека ќа ја превземам екипата, но кога обрвските према сите фудбалери и ќе бидат исчистени – рече за ohridnews Ѓорески.
Ѓорески го одведе Охрид во Првата лига, и веднаш по завршувањето на сезоната даде оставка. – Заминувам. Различните погледи и визија за развојот на клубот со Управата ме натераа на ваков потег. На ФК Охрид и на играчите им посакувам се најдобро во нивните понатамошни кариери, им благодарам за што направија за мене и за клубот во оваа година, за да функционираат работите онака како што треба потребен е голем рез и реорганизација. Јас немам сили, а ни желба повторно да минувам низ оваа голгота – рече тогаш Ѓорески.
Во меѓувреме очигледно визиите на Ѓорески и актуелната Управа се приближија штом тој би прифатил да го води Охрид 2004 во продолжението на првенството.
Ohridnews
