Управниот суд ја отфрли како недозволена тужбата поднесена од СДСМ со која се бараше поништување на одлуката на Собранието за верификација на мандатите. Судот се прогласи за ненадлежен за постапување. Во образложението на одлуката наведено е дека согласно член 63, став 1 од Уставот на македонија, пратениците легитимитетот го црпат од граѓаните кои на општи, непосредни избори, со тајно гласање, ги избираат своите претставници во Собранието. Пред Управниот суд не може да се поведе управен спор за работи за кои врз основа на уставните овластувања дирекно одлучува Собранието.
Управниот суд смета дека тој е надлежен да постапува само во случаи кога Собранието донесува акти за именување и разрешување на носители на јавни функции и на државни службеници кои се на раководни функции, доколку поинаку не е определено со закон.
Од СДСМ не се изненадени од одлуката на Управниот суд. Ова е доказ за партизираноста на судството и неговото дејствување како продолжена рака на власта, велат од партијата. Остануваат на ставот да не ги прифатат мандатите а изјавите дадени на нотар ги сметаат како неспорни и дозволени.
OhridNews
извор Телма
