Процедурата за продолжување на договор за работници на определено време упростена е, односно работодавачот нема да има потреба при се кое продолжување на договорот да поднесува одјава и пријава, пренесува Макфакс“.
Агенцијата за вработување на, Фондот за здравствено осигурување и Фондот за пензиско и инвалидско осигурување соопштија дека на барање на бизнис заедницата ја ревидирале и усогласиле процедурата за пријавување и одјавување на работници во фирми на кои договорите за работа на определено време им се продолжуваат без притоа да има прекин во работниот однос, во насока да не се врши одјава и пријава во работен однос со нов датум.
Со измените се напушти праксата да овие вработени се одјавуваат, па потоа повторно се пријавуваат во ист ден, во случаи кога се работи само за продолжување на нивната работа на определено време, и тоа на истото работно место и во истата фирма.
Во случај да работодавачот сака неговиот работен однос да го продолжи без прекин, тоа може да го направи со склучување на нов договор за вработување или анекс на постојниот договор.
Прв пат поднесената пријава во задолжително социјално осигурување важи се’ додека трае работниот однос, односно работодавачот не треба да поднесува одјава/пријава при секое продолжување на договорот за вработување на определено време, онаму каде што нема ниту еден ден прекин на осигурувањето, стои во соопштението.
OhridNews
извор:„Макфакс“
