Бурни расправа предизвика Законот за просторно и урбанистичко планирање, кој предвидува во иднина советите на општините да можат да носат урбанистички планови со само една третина гласови на советниците.
Ваквата можност ќе преизвика хаос предупредија дел од пратениците. Против се изјаснија и неколкумина пратеници од владејачкото мнозинство, меѓу кои и поранешниот градоначалник на Струга од редовите на ДУИ Рамиз Мерко. Според него во општините ќе настане хаос доколку се дозволи за урбанистичките планови да одлучува малцинството.
И покрај забелешките, новиот закон доби поддршка од пратениците во прво читање. Тој предвидува урбанистичките планови да се носат во електронска форма во една фаза од 1 март следната година. Исто така се скратува постапката за оценка на влијание врз животната средина од 15 на 8 дена.
OhridNews
