Прилепчанецот Степан Јакопетрески е последната жртва на студот во Македонија, пренесува „Макфакс“. Како што јави телевизијата Канал 5, педесет и деветгодишниот прилепчанец починал синоќа во обид да однесе храна за стоката во неговата штала во месноста Крива Река.

Случајот бил пријавен во полиција попладнево. Степан заедно со сопругата ноќеска на минус 12 степени  тргнале со запрежна кола и магаре да и однесат храна на стоката. Но, на Степан му се слошило и паднал.

Ова е втора жртва на студот во прилепско, откако шеесет и тригодишен прилепчанец почина во мариовското село Бешишете, како последица од премрзнување.

Македонија и целиот регион ја зафати студен бран и големи снежни врнежи, а темратурите се спуштија и до минус 20 степени.

OhridNews
извор: „Макфакс“