Уште едно лице почина од воспаление на мозокот предизвикано од вирусот Западен Нил во Клиниката за инфективни болести во Белград, јави Блиц, пренесува „Макфакс“.
Познато е дека станува збор за 60-годишна жена, која била заразена на 20-ти август, но оттогаш се чекале резултати.
Олга Дуловиќ од инфективната клиника за Блиц вели дека жената починала непосредно по приемот во болница.
Според неа, жената не била хронична болна, но имала и други здравствени проблеми.
Во моментот во болницата има сериозно болни пациенти, а од 20, колку што се сместени на одделот за интензивна нега, кај петмина е потврден вирусот Западен Нил, додека за другите се чекаат резултати.
Досега вирусот е потврден кај 37 луѓе, а пред само неколку дена почина првата жена, исто така, повозрасна.
OhridNews
извор:„Макфакс“
