Првиот од трите туристички инфо центри кои ги најави Локалната самоуправа и официјално деновиве e ставен во употреба. Но уште не почнат со работа инфо центарот е мета на вандали кои ги имаат ишарано информативните табли и прозорците центарот.
-Имаме секојдневни опструкции од различна природа. Прво имаме уништување на инвентарот кој го поставуваме, ознаките се испишани со фломастери, а има и обиди за оштетување на информатичката опрема. Исто така секојдневно некаде од главниот довод се исклучува електричната енергија за да не стигнат информациите до граѓаните. Се чудам кому му оди во прилог ова, изјави за OhridNews Гоце Симоноски, раководител на Секторот за туризам и локален економски развој.
Инаку, Инфо центарот е лоциран на влезот од Охрид на булеварот Туристичка. Ќе обезбедува информации за потенцијалните туристи, а пред него е поставен и инфо пулт на кој во текот на 24 часа станоиздавачите бесплатно можат да ги понудат своите сместувачки капацитети.
OhridNews
