Сместени во планинска куќа, катастрофална услуга и храна надополнето со тенденциозно судење се дел од поплаките кои денес на прес конференција  ги истакнаа раководните луѓе во Ракометната федерација на Македонија и репрезентативките, незадоволни од случувањата околу и за време на натпреварот во Австрија.

– Ова се дел од причините поради кои ќе ја нема Македонија на Мундијалот во Кина во декември годинава. Нашите репрезентативки не можеа да се аклиматизираат од висинската разлика од преку 500 метри колку што беше од салата во Инсбрук до нашиот „хотел“ и тие мораа да пијат по пет-шест кафиња за да го вратат притисокот во нормала, истакна претседателот на РФМ Михајло Михајловски, на денешната прес-конференција.


ЕП во Македонија – последен настап на големо натпреварување

Сепак огромни последици врз настапите на репрезентацијата имаа и случувањата во клубот со најмногу наши репрезентативки, Ѓорче Петров, како и оставката (читај смената) на само неколку дена пред одлучувачките натпревари

– Од јануари ситуацијата во Ѓорче е незавидна. Девојките повеќе штрајкуваа отколку што тренираа и тоа негативно се одрази на нивната форма и концентрација при настапите за националната селекција, нагласи Михајловски.

ohridnews