Младиот виолинист Мојсоски задоволен од својот впечатлив настап, каде пред присутната публика се претстави со дела од Чајковски и Кабалевски.
– Според аплаузот и дипломата што ја добив,мислам дека достојно го претставив мојот град и мојата држава.После концертот имав средба со организаторите и присутни гости на концертот, меѓу кои и музички експерти.Тие ми искажаа признание и желба за понатамошен успех и соработка. Имав и малку време за разгледување на дел од прекрасниот Рим и неговата древна култура.Се разбира,фрлив и паричка во Фонтана ди Треви,со желба повторно да се вратам, да имам многу настапи, на разни места со многу композиции, вели талентираниот Даниел.
Одржаниот концерт е еден во низата концерти кои ова лето ќе бидат одржани во Рим, како резултат на долгата соработка на фестивалот „Охрид те сакам“ и фестивалот Tempietto. Предвидено е на концертите да настапат музичари од Македонија, како и младите музички надежи од ОМУ „Методи Патче“. Главната цел на овој проект е промоција на младите и талентирани музичари од Македонија во Рим, но исто така и промоција на градот Охрид.
Концертот на Маринова и Мојсоски беше одржан во соработка со лајонс клубот Лихнидос од Охрид и дел од средствата ќе бидат наменети за најмладите музички надежи на кои им е потребна помош за нивното школување и усовршување.
