На денес одржаната седница на советот на општина Охрид, советниците ги усвоија Програмата за спроведување на општи мерки за заштита на населението од заразни болести за 2016 година, Одлуката за усвојување на измените и дополнувањата на развојната Програма за уредување на градежно земјиште за 2016 – 2018 година.
Донесена беше и Одлуката за утврдување локации за поставување подземни контејнери на подрачјето на општина Охрид, а беше дадена и согласност за Правилникот за давање дополнителни услуги од страна на територијалната противпожарна единица при општина Охрид и Одлуката за усвојување на измените и дополнувањата на годишната Програма за поставување на урбана опрема во општина Охрид за 2016 година. Советот не ја прифати предлог одлуката за усвојување на Програмата за управување со отпад на општина Охрид за 2016 година.
Покрај овие точки, на денешната седница беа усвоени и низа предлог одлуки од урбанистичката сфера, со цел вклопување на бесправно изградени објекти.
OhridNews
