Во НУ Библиотека „Григор Прличев“ утре – петок во 12 часот познатиот македонски естраден уметник Петар Нечовски ќе ја промовира својата прва стихозбирка под наслов „Нотирана поезија“.
Во стиховите на Нечовски доминира љубовта како универзално човечко и поетско чувство. Книгата е поделена на три циклус: Песни посветени на љубовта, песни во кои е опеана љубовта кон родната земја и песни со љубов кон семејството.
Песните во стих напишани од грло испеани се плод на близу педесетгодишната плодна естрадна кариера на Петар Нечовски обележана со низа фестивалски награди и турнеи низ светот.
Уживајте во оваа колекција на отпеана поезија, текстови инспирирани од различни периоди во мојата богата интерпретаторска кариера ќе напише Нечовски во книгата.
Промотор на стихозбирката ќе биде – рецензентот проф. д-р Менде Солунчевски од Битола. Издавач е „Ирис“ од Струга а корицата ја изработи синот на Петар, Благој Нечовски кој живее во САД.
OhridNews
