Македонскиот ракометен првак Вардар доби квалитетни и атрактивни противници во фазата по групи во Лигата на Шампиони, додека во ждрепката учествуваше и Металург кој се наоѓа во Ц и Д групите.
„Црвено црните“ во групата А се наоѓаат со бранителот на трофејот Монпеље, шампионот од 2016 година Киелце, шпанскиот гигант Барселона, унгарската велесила Веспрем и германскиот бундеслигаш Рајн Некар. Групата ја пополнуваат Мешков Брест и Кристијанштад.
Во Б групата квалитетот е нешто послаб. Вицешампионот Нант се наоѓа со ПСЖ, Пик Сегед, Флензбург, Скјерн, ППД Загреб, Мотор Запорожје и Целје.
Вториот македонски преставник Металург кој се натпреварува во групите со послаб рејтинг за противници ги доби Силкеборг, Спортинг, Бешикташ, Чеховски Медведи, Татран Прешов.
Групите:
Група А: Вардар, Киелце, Барселона, Мешков Брест, Веспрем, Монпеље, Кристијанштад, Рајн Некар
Група Б: ПСЖ, Пик Сегед, Флензбург, Скјерн, ППД Загреб, Мотор Запорожје, Целје, Нант
Група Ц: Силкеборг, Металург, Спортинг, Бешикташ, Чеховски Медведи, Татран Прешов
Група Д: Висла Плок, Адемар Леон, Елверум, Вакер Тун, Динамо Букурешт, Кокс
OhridNews
