Владата на Република Македонија го усвои Законот за ваучерите за апсолветни од социјално загрозените семејства и тој деновиве ќе биде испратен во Собранието, најави вчера премиерот Никола Груевски. Според очекувањата, најдоцна до средината на октомври овие ваучери ќе им бидат достапни на студентите од социјалните семејства.
-Очекуваме по скратена постапка Парламентот да го усвои и најдоцна до 15 октомври студентите кои припаѓаат на семејства од ранлива категорија да ги примат ваучерите и до крајот на годината да може да ги реализираат и да набават компјутери или лаптот во износ од 250 евра како што беше најавено, рече Груевски.
Владата досега има доделено ваучери за набавка на компјутери два пати. Ваучери за таа цел досега добија 12.000 студенти при првата распределба и 10.500 при втората распределба.
OhridNews
