Сопственикот на службената фан веб-страна на Бритни Спирс (Britney Spears) одлучил да ја затвори страницата бидејќи по оценка на нејзините обожаватели таа „готова и заборавена“, односно се срамат од она во што се претворила нивната некогаш омилена тин-ѕвезда.


Веб-сајтот WorldOfBritney.com со години бил извор на најнови информации, ексклузивни фотографии и разни пикантерии од животот на американската пеачка, бележел рекорден број посети и бизнисот „цветал“. Сепак, сопственикот Рубен Гарај, во договор со голем број фанови на Бритни одлучил да ја затвори страницата затоа што нивната ѕвезда од успешна пеачка во рекорден рок се претворила во „пијана распуштеница“.
„Ја почитувам Бритни како личност, но нејзината фан-страна веќе нема смисла, Бритни е дефинитивно готова“, напишал Гарај на својата страница. Според него, Спирс почнала да промовира неморал како пожелен животен стил, а нејзините фанови не сакаат да обожаваат таква личност.

Наводно Бритни овие денови треба да се врати во студио за да почне со припреми за новиот албум. Според реакцијата на јавноста ќе и` треба вистинско чудо да се врати на врвот од шоу-бизнисот. Новиот носач на звук е најавен за на пролет.

извор:
index portal