Шестанесет пливачи од осум држави, пет во женска и единаесет во машка конкуренција денес ja пливаат патеката „Климе Савин“ во должина од 25 километри од Свети Наум до Охрид во рамки на 39-от Охридски пливачки маратон.
Боите на Македонија ги бранат четворица маратонци Александар Илиевски, Петар Цеков, Леонид Мишевски и Росана Гошева.
На маратонот учествуваат и пливачите Матеа Видовиќ од Србија, Умит Кемал Џенгиз од Турција, Филип Лакас од Канада, Италијанците Алесио Окипинти и Николо Ричарди, Шпанците Енеко Саезмиера и Даниел Понсе Хименез и Кристијано Карамело Сантос од Португалија.
Во женска конкуренција покрај Гошева, пливаат и Елена Лионело од Италија, Милица Љубисављевиќ од Србија и Аргентинките Рита Ванеса Гарсија и Мајте Ајлен Пука.
Стартот го означи градоначалникот на Општина Охрид, Кирил Пецаков од Св. Наум во 11 часот. Се очекува маратоците да пристигнат на финишот во периодот од 15:30 до 16 часот.
Годинашното издание на Охридскиот пливачки маратон има награден фонд од 15.000 долари.
Покровител на 39. Охридски пливачки маратон е претседателот на Македонија, а OhridNews е медиумски партнер на манифестацијата.
Г.М./Н.С.Ј.
