Поради големиот интерес, охридската публика, во четврток, 17-ти април, во малата сала на Центарот за култура повторно ќе има можност да го проследи урнебесното кабаре “2 Mothers Brothers“.
Во веселото и забавно шоу, кое ќе ве насмее до солзи, настапуваат познатите професионални актери Никола Тодороски и Стрезо Стаматовски. Тие во живо изведуваат голем број музички нумери со изменет и сатиричен текст. Динамичните музички преработки се надополнети со исклучително креативен сценски материјал, преку кој актерите го прикажуваат секојдневието и актуелните теми на еден необичен и комичен начин.
Влезниците за урнебесното шоу по цена од 150 денари можат да се набават на касата на Центарот за култура „Григор Прличев“.
OhridNews
