Парма ја победи Фиорентина во продолжението со 2-1 и обезбеди пласман во четвртфиналето од италијанскиот куп. Херој за “млекарите“ беше ветеранот Креспо кој со “парот“ во 116 и 118 минута ја покори “виола“. Претходно во 114 минута од мечот Сантана погоди за водство на гостите.
На 13. јануари во Торино се среќаваат Јувентус и Катанија, на 18. јануари Наполи и Болоња, додека ден подоцна покрај мечот на римски “Олимпико” во Џенова играат Сампдорија и Удинезе.
На 19 јануари ќе се судрат римските ривали, а седум дена подоцна силите ќе ги одмерат Интер и Џенова, односно Палермо и Киево.
Кругот го затвораат фудбалерите на Милан и Бари со мечот на “Сан Сиро” закажан за 20. јануари.
М.П.
