Видео клип поставен на You tube на кој во поле во штипско Карбинци од птичја перспектива се гледаат чудни овални траги, од непознато потекло, предизвика големи полемики во јавноста и на социјалните мрежи, од тоа дека вонземјани ја посетиле Македонија, до тоа дека се работи за траги направени од некакво механичко дејство.
„Летам од 2004-та и сум летал над цела Македонија. Никогаш не сум видел ништо слично! Ова е снимено за време на пробен лет над Крабинци, штипско, во саботата на 1-ви јули 2012“, вели корисникот кој го постави видеото на You tube, пренесува порталот „Кајгана“.
Чудната случка во штипско е тема на бројни форуми во земјава и надвор од неа кои се занимаваат со натприродни појави. На еден од пореспектабилните форуми сретнавме интересно толкување, дека во полето во Карбинци всушност е исцтан митскиот знак „Тринити“, што во превод значи создател – Бог. Пораката според упатените форумџии претставува просперитет.
Во Македонија ваква појава е забележана за прв пат, но не е непозната во светот. Овој митски знак често се забележува во Мексико и други делови на латинска Америка, како и во делови на Европа. Несекојдневната појава со години е предмет на документарни филмови, книги и научни натписи. Оние кои веруваат во приказната сметаат дека таа е креирана од непозната сила, некакво енергетско поле, додека, скептиците се на мислење дека тоа е дело на човекот, односно знаците се направени со некакво механичко дејство.
OhridNews
