Најдобриот македонски фудбалер Горан Пандев наместо планираната десет дневна пауза по повредата на гостувањето кај Твенте во Лигата на шампионите, се најде во составот на “нероаѕурите“ на гостувањето кај Палермо. Актуелниот првак Интер благодарение на двата гола на Ето`о успеа да слави на „Ренцо Барбера“.
– Задоволни сме што победивме на вака тешко гостување, како што е Палермо. Дадовме се од себе, имавме многу шанси за гол. Ова е малку чуден период, но тоа што се брои се победите на Интер и ние напредуваме од меч во меч – истакна Пандев.
Формата на камерунскиот интернационалец бележи нагорна линија и тој посакува сезоната да ја заврши над котата 25. – Ако не постигнам барем 25 погодоци, значи воопшто нема смисла да ги бројам. – рече Ето.
Но ако Ето е во посакуваната форма, не објасниво е она што му се случува на Диего Милито, најдобриот играч од минатата сезона во Лигата на Шампиони. – Зошто секогаш јас да бидам тој што ќе излезе?” – ТВ камерите го фатиле Милито како го изговара ова пред да го напушти теренот на натпреварот против Палермо. Кога седнал на клупата рекол: “Ова не е добро. Треба да разговараме за ова”.
Ohridnews
