Судбината за пласман во најдобрите четири репрезентации, ќе ни ја кројат останатите селекции во групата. Полска треба да триумфира над Германија и тоа не повеќе од два разлика ,а Шведска да ја совлада Данска. “Скандинавските“ земји се познати по добрата “комшиска линија“, па и од тоа треба да стравуваме во последна рунда.
Најдобра илустрација за ова е Европското првенство во фудбал кое се одржа во Португалија 2004 година. Во решавачката трета рунда, Италија бркаше победа над Бугарија додека (сегашните противници на Македонија на ЕП) Данска и Шведска со бод во последниот натпревар обезбедуваа пласман во 1/4 финалето. “Скандинавското“ дерби заврши “очекувано“ без победник 2-2, а “азурите“ јалово триумфираа над Бугарија со 2-1 и беа елиминирани.
Никој не сака да помисли дека швеѓаните ќе му “пуштат“ на Данска да победи но поучени од “очекуваното“ реми на ЕП во фудбал, ништо не е невозможно.
Мх.П.
