Стабилизирањето на временските услови и продолжениот викенд даваат надеж дека Охрид од викендов ќе се наполни со туристи.
Топлото време, слободните денови за празникот Илинден, неколкуте настани кои ќе се одржат викендов се причина што голем број гости, претежно од земјава, го најавиле своето доаѓање и направиле резервации во приватното сместување.
– Изминатиов месец имаше денови кога нашите капацитети по неколку дена беа празни. Надеж ни дава продолжениот викенд и се надеваме дека барем наредните десеттина дена Охрид ќе заличи на она што бил останатите години во овој период од годината- преполн со туристи, велат приватните станоиздавачи.
Ohridnews
