На  иницијатива на Европската Слободна Алијанса (ЕСА) – политичката партија на Македонците во Грција, Виножито, во Парламентарното Собрание на Советот на Европа поднесе предлог резолуција за „Дискриминирачките закони против етничките Македонски политички бегалци“.

Предлог резолуцијата е поддржана од претставници од 13 европски држави, кои ја повикуваат грчката влада, без одлагање да ги разгледа претходно споменатите закони и да ја сопре дискриминицијата која произлегува од нив, со што етничките Македонски политички бегалци можат да побараат грчко државјанство и имот. Предлагачите препорачуваат релевантната комисија на Парламентарното Собрание на Советот на Европа „да го испита овој проблем и да се заложи заедно со грчките авторитети за запирање на гореспоменатата дискриминација“.

Предлогот, официјално бил подесен во текот на последната Сесија на Парламентарното Собрание на Советот на Европа, и е поставен на веб страницата на Советот на Европа, а се очекува ова прашање да биде разгледано од Бирото на Собранието кон крајот на ноември. Виножито верува дека Бирото сериозно ќе го разгледа предлогот и ќе делува во најдобар интерес за македонските политички бегалци од Грција и ги повика разните тела на Советот на Европа да продолжат со следење на состојбите со човековите права во Грција.

Ohridnews