Над 3000 посетители и 32 локални производители на вкусови од Слоу Фуд Македонија беа дел од четвртото издание на фестивалот „Вкусете го Охрид – локално“ кое се одржа на плоштадот пред Долна Порта во организација на Слоу Фуд Охрид.
“Вкусете го Охрид” не е само фестивал, тоа е тивка револуција со дрвени лажици, љубов сервирана на чинија, спомен што се враќа секогаш кога ќе вкусиш нешто што мириса на дома… И затоа е толку омилен. Настанот беше атрактивен за сите генерациии, осетивме вистинска еуфорија, видовме љубезни раце што подаваат, чаши што се судруваат, и како да велат- наздравје! Туристите фотографираат, затоа што секоја тезга е како софра кај баба, се насладуваат и прашуваат. “Може ли ѓомлезе со слатко? – и откако ќе вкусат, климнуваат со глава како да го нашле сопствениот гастрономски Универзум…, велат организаторите.
Во рамки на фестивалот секоја година се организира и вечер за “загрејување”, а овогодинешната беше во винаријата „Манастир“ во Опејнца, која ги отвори портите за магијата.
Слоу Фуд и пријателите, со насмевки и чаши во рака, под мотото „Поддржи го локалното, почитувај го домашното, дојди, вкуси, раскажи!“ ги промовираа жените претприемачки и нивните активности, месење и сучење на лице место…. Се наздравуваше под ѕвезденото небо, и се славеше се што е автентично.
Посетителите можа да вкусат од крцкавото лепче без квасец, овој пат во мега издание од 4,7кг, сирење- козјо, кравјо, овчо, питулици, гевречиња со најубо макало, лешниково масло, ликери од вишна, лаванда…, ѓомлезе и разни месеници.
Вкусната галаксија не застануваше: магарешко млеко, оцет од глог, китки дарови од природата, тартуфи со портокал и маслинки, пиво за сефосување, лезетско вино од лезет луѓе, ракија љубовна и од смоква, намази од фстак и орев, ифрит ајвар, домашни природни сокови, мед, маџун.., традиција со модерна нота… Долга, убава охридска гурманска ноќ
Организаторите со радост уште отсега го најавуваат петтото издание на „Вкусете го Охрид- локално”!
Инаку, фестивалот „Вкусете го Охрид – локално“ е подржан од Општина Охрид, Министерство за земјоделство и животната средина и Слоу Фуд Македонија.
OhridNews
