Клеветата и навредата повеќе нема да се третираат со кривичниот законик, туку тие ќе се регулираат со посебен граѓански закон.
Ова е договорено на денес одржаната средба помеѓу претставниците на Здружението на новинари и претставници на владата.
Како што истакнала по средбата вицепремиерката за евроинтеграции, Теута Арифи, за една недела владата ќе излезе со попрецизни одредби во оваа насока. Дополнително ќе треба да се договорат и казните што ќе се однесуваат на евентуални случаи по тужби за новинарите.
На денешната средба во Владата покрај вицепремиерката Арифи присуствуваа и министрите за внатрешни работи, за транспорт и врски, за правда, за информатичко општество и администрација, за труд и социјална политика, Гордана Јанкулоска, Миле Јанакиески, Блерим Беџети, Иво Ивановски, Спиро Ристовски и претставници на Здружението на новинарите.
OhridNews
