На утрешната седница, Владата ќе се откаже од данокот на додадена вредност од донациите што преку телефонските оператори се собираа како помош за катастрофалните поплави во Србија И Босна и Херцеговина.

Ова денеска го најави владиниот портпарол, Александар Ѓоргиев, кој информира дека ДДВ-то од испратените донации ќе се пренамени како нова донација.

Со последните законски измени ваквата пренамена на ДДВ е дозволена ако станува збор за цел од јавен интерес.

OhridNews