– Во овие тешки времиња Македонија е една од малкуте во Европа која успеа да задржи низок буџетски дефицит и ниско ниво на задолженост, истакна Ставрески. Тој потенцираше дека македонскиот долг и во вакви времиња на финансиска и должничка криза, изнесува 28 проценти од БДП, што е еден од најниските на европско ниво.
Вицепремиерот цени дека капиталните инвестиции позитивно влијаеле врз целокупната стопанство особено на градежништвото кое бележи двоцифрен раст.
– На тој начин во овој тежок период обезбедивме работа за илјадници наши работници и опстојување на стотоци фирми кои ги изгубија странските пазари, додаде Ставрески.
Тој најави дека и општина Охрид ќе биде дел од проектите на Владата, односно ќе може да реализира одредени комунални и инфраструктурни зафати од витален интерес за граѓаните.
Вицепремиерот за екононмски прашања Владимир Пешевски зборуваше за плановите за формирање слободни туристички зони во Охрид, како и за активностите за промоција на Македонија на странскиот пазар.
На средбата стана збор и за капитални инвестиции и најавените мерки за ревитализација на ЕМО.
