Од една страна се приведуваат тројца градежни работници за работа на објектот, а од друга страна продолжува да се гради истиот објект без никаква дозвола за градба, обвини денеска на прес конференција опозициската ВМРО ДПМНЕ, во врска со актуелниот случај на улицата „Марко Нестороски“.
За проблемот со дивоградбите во Охрид партијата ги обвинува грдоначалникот и локалната самоуправа.
-Како е возможно да се дозволи пред очите на надлежните институции да се градат дивоградбите? Вистинското лице на Георгиески излезе на виделина со тоа што повторно дозволува да се гради без дозвола исто така како што дозволи да се изградат бетонската база, угостителскиот објект кај Чинарот, хотелот во Лагадин, минарето низ чаршијата и останатите дивоградби низ градот.- велат од ВМРО ДПМНЕ.
OhridNews
