ВМРО ДПМНЕ денешната прес конференција повторно ја посвети на затекнатата финансиска состојба на градот Охрид. Оттаму забележуваат дека СДСМ упорно не сакала да одговори на поставените прашања во врска со потрошените репрезентации во време на нивното осумгодишно владеење со Охрид во периодот 2005 до 2013 година. Владејачката партија презентираше листа на потрошени средства за репрезентација за споменатиот период според која за репрезентација биле потрошени 26 966 988 денари. Најмалку било потрошено во 2005 година 743 572 денари, а најмногу во 2012 година 6 593 415 денари.
-Ваквите вртоглави милионски суми потрошени пари од граѓаните стрикно само за репрезентации не преставува ништо друго туку јасен показател за недомаќинското работење на СДСМ цели осум години. Низ прикажаните бројки јасно може да се согледа енормното зголемување на средствата за репрезентации и тоа со пропорционално зголемување од година во година со што разликата помеѓу потрошените средства за репрезентации од 2005 до 2013 година верувале или не се зголемени за скоро десет пати. Дури сега е јасно зошто СДСМ нема одговор за поставените прашања од страна на ВМРО ДПМНЕ а чии одговори пред се, се во интерес на граѓаните на Охрид. – беше истакнато на прес конференцијата.
Од ВМРО ДПМНЕ денеска упатија прашање до СДСМ колку пари се потрошени за службени патувања во времето од 2005 до 2013 година, потенцирајќи дека сегашната локална самоуправа, односно градоначалникот Бакрачески и советничката група на ВМРО ДПМНЕ работат домаќински, транспарентно и во интерес на граѓаните.
OhridNews
