Од општинската ВМРО ДПМНЕ со апел до градоначалникот Константин Георгиески да им наложи на јавните претпријатија да ги намалат износите на сметките на: корисниците на социјална помош, корисниците на постојана парична помош, невработените лица и лицата кои имаат инвалидитет или тешка болест.
Со надеж дека Комисијата за субвенционирање на трошоците за комунални услуги ги примила и ги обработила поднесените барања, советничката група на ВМРО-ДПМНЕ бара итно и неодложно намалување на овие средства во вкупен износ од 1.500.000 денари, велат од ОК на ВМРО ДПМНЕ.
Потсетуваат дека советот на општина Охрид, на 38-та седница одржана на 31.1.2020 ја усвои Предлог-одлуката за спроведување на мерки за субвенционирање на трошоци за комунални услуги, а Јавниот повик за оваа мерка траеше до 19.2.2020 година.
OhridNews
